ԹԵԺ ԳԻԾ՝ 0800-61111

Մեր Զաւակները Եւ Մենք. Երեխայի Դաստիարակութեան 19 Պատուիրան Մարիա Մոնթեսորիէն


Իտալացի անուանի մանկավարժ, փիլիսոփայ Մոնթեսորին այն չորս մանկավարժներէն մէկն է, որ ըստ ԵՈՒՆԵՍՔՕ-ին, մեծ ներդրում ունեցած է 20-րդ դարու մանկավարժական մտածողութեան ձեւերու հաստատման մէջ: Մոնթեսորին ստեղծած է մեթոտ մը, որուն հիմնական սկզբունքն է` օգնէ ինծի ինքնաբաւ գործել:
 
Ստորեւ կը ներկայացնենք Մոնթեսորիին կողմէ մշակուած 19 պատուիրան` ծնողներուն համար:
 
1.- Երեխային կ՛ուսուցանէ զայն շրջապատող միջավայրը:
2.- Եթէ երեխան յաճախ քննադատեն, ան կը սորվի դատապարտել:
3.- Եթէ երեխան յաճախ գովեն, ան կը սորվի գնահատել:
4.- Եթէ երեխային հետ վարուին թշնամաբար, ան կը սորվի անդադար կռուիլ:
5.- Եթէ երեխային հետ ազնիւ վարուին, ան կը սորվի արդար ըլլալ:
6.- Եթէ երեխան յաճախ ծաղրեն, ան կը դառնայ վախկոտ:
7.- Եթէ երեխան ապրի ապահովութեան զգացումով,- ան կը սորվի հաւատալ:
8.- Եթէ երեխան յաճախ անարգեն, ան կը սկսի մեղաւոր զգալ:
9.- Եթէ երեխան յաճախ խրախուսեն, ան կը սորվի ինքզինքին հանդէպ լաւ վերաբերիլ:
10.-Եթէ երեխային հանդէպ յաճախ հանդուրժողութիւն ցուցաբերեն, ան կը վարժուի համբերատար դառնալ:
11.- Եթէ երեխան յաճախ ուրախացնեն, ան ինքնավստահ կը դառնայ:
12.- Եթէ երեխան համերաշխ միջավայրի մէջ կ՛ապրի, ան ինքզինք պիտանի կը զգայ եւ կը սորվի սէր գտնել այս աշխարհին մէջ:
13.- Երեխային մասին վատ մի՛ խօսիք` ո՛չ անոր ներկայութեան, ո՛չ բացակայութեան:
14.- Կեդրոնացէք երեխային մէջ լաւի զարգացման վրայ այնքան, որ վատին համար տեղ չմնայ:
15.- Միշտ լսեցէ՛ք եւ պատասխանեցէ՛ք ձեզի դիմող երեխային:
16.- Յարգեցէք երեխան, որ սխալ գործած է, բայց կրնայ հիմա կամ քիչ ետք ուղղել սխալը:
17.- Պատրաստ եղէք օգնելու այն երեխային, որ կը փնտռէ, եւ աննկատ մնացէք այն երեխային համար, որ արդէն գտեր է:
18.- Օգնեցէք երեխային` իւրացնելու չիւրացուցածը: Ատիկա ըրէք շրջապատը լեցնելով հոգածութեամբ, զսպուածութեամբ, խաղաղութեամբ եւ սիրով:
19.- Երեխային հետ յարաբերելու ժամանակ տեւաբար դրսեւորեցէք լաւ վարքագիծ, անոր փոխանցեցէք ձեր մէջ եղած դրականը:
 
Պատրաստեց՝ ՇՈՒՇԻԿ ՄԱՒԻՍԱԳԱԼԵԱՆ
 
Նյութի աղբյուր
Լուսանկարի աղբյուր




Շարունակությունը տեսնել ստորեվ